Berskjöldunarmeðferð | Mín líðan | Sálfræðiþjónusta á netinu

Hvað er berskjöldunarmeðferð?

Berskjöldunarmeðferð

Berskjöldunarmeðferð (exposure therapy) felur í sér aðferðir berskjöldunar og slokknunar. Berskjöldun og slokknun (exposure and response prevention) byggja á gagnreyndum aðferðum þar sem einstaklingurinn lærir að sleppa tökunum á kvíðaeinkennum og hætta að forðast eigin vanlíðan í augnablikinu. Sálfræðingurinn hjálpar einstaklingnum að forðast ekki erfiða upplifun heldur að vera opinn fyrir og leyfa óþægilegum tilfinningum, hugsunum og líkamlegum einkennum að koma og fara. Farið er í gegnum hvernig við reynum að hafa stjórn á lífinu með forðun og hvernig forðunarhegðun færir okkur frá því lífi sem við viljum lifa og eykur, á sama tíma, þá vanlíðan sem er fyrir.

Taktu fyrsta skrefið í átt að betri líðan

Sálfræðimeðferð á netinu

Hjá Mín líðan getur þú fengið aðstoð við að draga úr sálrænum vanda með: 1) fjarviðtölum eða 2) 10 tima staðlaðri sálfræðimeðferð á netinu.

Fjarviðtöl

Fjarviðtöl eru 50 mínútna myndfundir þar sem þú átt samskipti við sálfræðing augliti til auglitis með öruggum hætti í gegnum internetið. Fjarviðtöl eru eins og sálfræðiviðtöl á stofu, eini munurinn er sá að þú átt samskipti við þinn sálfræðing í gegnum netið. Í fjarviðtölum getur þú fengið aðstoð við hvers konar sálrænum vanda, s.s. lágu sjálfsmati, einkennum þunglyndis, almenns kvíða, félagskvíða og streitu. Flest stéttarfélög og margir vinnuveitendur niðurgreiða sálfræðikostnað.

Stöðluð sálfræðimeðferð á netinu

Mín líðan býður upp á 10 tíma staðlaða sálfræðimeðferð á netinu við vægum til miðlungs einkennum kvíða, þunglyndis, félagskvíða og einnig við lágu sjálfsmati. Meðferðartímarnir innihalda fræðslu, verkefni, æfingar og spurningalista. Þú lærir hagnýtar aðferðir hugrænnar atferlismeðferðar og hvernig á að beita þeim í daglegu lífi. Öll samskipti fara fram í gegnum skrifaðan texta. Hægt er að senda sálfræðingi skilaboð hvenær sem er á öruggu heimasvæði Mín líðan yfir áskriftartímann. Hægt er að prófa frían kynningartíma. Markmiðið er að þú náir tökum á þinni líðan með aðstoð sálfræðings!