Hildur veitir sálfræðiþjónustu fyrir fullorðna og ungmenni. Hún notar gagnreyndar meðferðir eins og hugræna atferlismeðferð (HAM) og ACT (Acceptance and Commitment Therapy). Sérsvið Hildar eru m.a. kvíði, streita, kulnun, samskiptavandi, og lágt sjálfsmat. Hún hefur að auki reynslu af mannauðsmálum og vinnusálfræði og hefur veitt stjórnendum og starfsfólki ráðgjöf í erfiðum starfsmannamálum og samskiptavanda á vinnustöðum.
Hildur beitir aðeins gagnreyndum aðferðum við greiningu og meðferð við sálrænum vanda. Hún sinnir meðferð við kvíða (s.s. félagskvíða og almennum kvíða), streitu og kulnun og hefur sérstakan áhuga á að aðstoða þá sem glíma við samskiptavanda eða áskoranir á vinnustöðum og að styðja við stjórnendur. Einnig hefur Hildur áhuga á að aðstoða einstaklinga með lágt sjálfsmat.
Hildur lauk meistaragráðu úr klínískri sálfræði árið 2021 og hlaut í kjölfarið starfsréttindi. Hildur hóf störf hjá Mín líðan árið 2026 þar sem hún sinnir greiningu og meðferð við sálrænum vanda hjá fullorðnum og ungmennum. Hildur starfaði áður sem sálfræðingur með áherslu á vinnusálfræði og atvinnulífið hjá Attentus, mannauði og ráðgjöf og sem sálfræðingur í Stuðningsteymi starfsfólks Landspítala. Þar kom Hildur töluvert að ráðgjöf til starfsfólks og stjórnenda varðandi samskiptavanda og einnig fólst starf hennar í að gera úttektir á kvörtunum um einelti, áreitni og ofbeldi á vinnustöðum. Þar áður starfaði Hildur sem sálfræðingur á SÓL, sálfræði og læknisþjónustu við greiningar og meðferð barna og unglinga með ADHD og á Heilsugæslunni Efstaleiti við greiningar og meðferð fullorðinna. Áður en Hildur hlaut réttindi til að starfa sem klínískur sálfræðingur vann hún við mannauðsmál og lauk meistaragráðu í mannauðsstjórnun og vinnusálfræði árið 2016.
Endurmenntun er mikilvægur hluti af starfi sálfræðings og leitast Hildur við að sækja reglulega ráðstefnur, námskeið, vinnustofur og aðra fræðslu til sérfræðinga í faginu til að viðhalda þekkingu sinni og færni. Hildur hefur t.am. lokið vinnustofunum ACT made simple og ACT for Trauma sem kenndar voru af Russ Harris. Að auki hefur heldur lokið vinnustofu í Staðreyndarannsóknum í EKKÓ málum, sem kennd var af Ståle Einarsen og Helge Hohe.
Hægt er að hafa samband við Hildi með því að senda tölvupóst á hildur@minlidan.is.
