Tanja Dögg er stofnandi, framkvæmdastjóri og sálfræðingur hjá Mín líðan. Hún sinnir greiningu og meðferð sálræns vanda hjá fullorðnum og styðst aðallega við ACT (acceptance and commitment therapy) og HAM (hugræna atferlismeðferð). Sérsvið Tönju er m.a. streita, kvíði, lágt sjálfsmat, þunglyndi og andleg vanlíðan á meðgöngu og eftir fæðingu.
Tanja hefur sérhæft sig í meðferð við einkennum þunglyndis, félagskvíða og lágs sjálfsmats. Hún notar fyrst og fremst ACT (acceptance and commitment therapy) og hugræna atferlismeðferð (HAM) til að aðstoða fólk við að draga úr sálrænum vanda. Tanja hefur reynslu af því að vinna með áföll og notar til þess hugræna úrvinnslumeðferð (cognitive processing therapy). Tanja er með reynslu af því að vinna með sálrænan vanda á meðgöngu og eftir fæðingu og var m.a. í starfsþjálfun við kvennadeild Landspítalans. Tanja veitir einnig aðstoð við hvers konar kvíða ásamt því að draga úr streitu, bæta lífsgæði og takast á við persónulegar áskoranir.
Tanja Dögg lauk Cand. Psych námi frá Háskóla Íslands árið 2015 og fékk sama ár löggildingu sem sálfræðingur. Hún fékk starfsþjálfun hjá geðdeild og kvennadeild Landspítalans og Sálfræðiráðgjöf háskólanema. Tanja Dögg lauk B.Sc. í sálfræði frá Háskóla Íslands árið 2012 og stúdentsprófi frá Verzlunarskóla Íslands árið 2008.
Tanja hefur unnið sem sálfræðingur hjá Mín líðan frá 2018 þar sem hún sinnir staðlaðri sálfræðimeðferð á netinu og fjarviðtölum. Samhliða því vann hún hjá Domus Mentis geðheilsustöð frá 2017-2019 við greiningu og meðferð sálræns vanda hjá ungmennum og fullorðnum. Árið 2016 vann hún við greiningu barna og ungmenna hjá Þroska- og hegðunarstöð.
Hægt er að hafa samband við Tönju Dögg með því að senda tölvupóst á tanja@minlidan.is.
