Dr. Þrúður sálfræðingur býður upp á sálfræðiþjónustu fyrir börn, unglinga, foreldra og fjölskyldur. Hún hefur sérhæft sig í heildrænni lífsstílsmeðferð sem tengist sálrænum og/eða líkamlegum vanda. Þrúður hefur sérstakan áhuga á lífsstílsmeðferð og meðferð vanda barna, unglinga og fjölskyldna, ekki síðast þegar kemur að skilnaði og flóknum fjölskylduaðstæðum. Hún getur veitt sálfræðiviðtöl eftir kl. 16 á daginn.
Þrúður sérhæfir sig í lífsstílsmeðferð sem tengist sálrænum og/eða líkamlegum vanda. Í meðferðarvinnu notar Þrúður aðferðir atferlisfræði (behavioral therapy), hugræna atferlisfræði (cognitive behavioral therapy), núvitundar (mindfulness) og ACT (acceptance and commitment therapy). Þrúður hefur birt fjölda rannsóknagreina í ritrýndum tímaritum um meðferð ofþyngdar og breytingar á lífsstíl í tengslum við langvinna sjúkdóma.
Þrúður hefur starfað sem löggiltur sálfræðingur frá árinu 2009 en hún lauk námi (B.A., M.A. og Ph.D.) frá Háskóla Íslands. Hún fékk starfsþjálfun á geðsviði fullorðinna á Landspítala og á Barnaspítala Hringsins, þar sem hún svo vann fyrstu árin eftir löggildingu. Eftir að Þrúður lauk doktorsnámi fór hún í frekara framhaldsnám (Post Doctoral Training) við University of Colorado, Denver (Anschutz Health and Wellness Center og Children’s Hospital Colorado) þar sem hún sinnti forvarnavinnu, rannsóknum og meðferð of þungra barna, fullorðinna og fjölskyldna. Þaðan lá leiðin til Washington University School of Medicine, St. Louis þar sem hún stýrði þjálfun geðheilbrigðisstarfsfólks í meðferð lífsstílsbreytinga einstaklinga með fjölþættan vanda innan geðheilbrigðiskerfisins í Missouri fylki. Þrúður hefur síðustu ár sinnt rannsóknastörfum og unnið samhliða því sem sjálfstætt starfandi sálfræðingur. Þrúður er meðlimur í Sálfræðingafélagi Íslands.
Hægt er að hafa samband við Þrúði með því að senda tölvupóst á thrudur@minlidan.is.
