Hvað er þunglyndi?

Allir upplifa vanlíðan öðru hvoru, til dæmis við sambandsslit, þegar fólk missir vinnuna eða þegar einhver nákominn manni deyr. Að verða dapur við þess konar aðstæður er eðlileg tilfinning sem minnkar yfirleitt með tímanum þegar maður aðlagast breyttum aðstæðum. Eðlilegt er að upplifa depurð öðru hvoru, en ef depurðin er alltaf til staðar getur hún þróast yfir í þunglyndi.

Þunglyndiseinkenni geta verið mjög ólík á milli fólks. Breytilegt er hve mörg einkenni fólk upplifir og hversu alvarleg þau eru. Það sem allir sem upplifa þunglyndi eiga þó sameiginlegt og einkennir þunglyndi er:

1

Viðvarandi depurð, þungt skap eða pirringur.

2

Áhugaleysi og/eða ánægjuleysi gagnvart hlutum sem vöktu áður áhuga eða veittu ánægju.

Önnur algeng einkenni þunglyndis

Neikvæðar hugsanir um mann sjálfan, aðra og framtíðina.

Sektarkennd, sjálfsgagnrýni og finnast maður vera einskis virði.

Breyting á matarlyst, þ.e. lystarleysi eða ofát. Sumir upplifa þess vegna mikla þyngdarbreytingu.

Eirðarleysi eða að hreyfa sig hægar en venjulega.

Svefnerfiðleikar, þ.e. að finnast erfitt að sofna eða halda sér sofandi, vakna fyrr en venjulega og geta ekki sofnað aftur eða aukin svefnþörf.

Svartsýni og vonleysi gagnvart framtíðinni, að hafa ekki trú á að neitt gangi upp hjá manni.

Þreyta og orkuleysi, að vera þreyttur mestallan daginn og finnast erfitt að framkvæma hluti sem áður voru auðveldir.

Hugsanir um dauðann, þ.e. að óska þess að maður sé dáinn eða sjálfsvígshugsanir.

Erfiðleikar með einbeitingu og ákvarðanatöku.

Minni virkni í daglegu lífi, t.d. er algengt að einangra sig frá öðrum.

Minniserfiðleikar.

Minni áhugi á kynlífi.

Meðferð við þunglyndi

Upplifir þú einkenni þunglyndis?

Ef þú upplifir depurðareinkenni er meðferð hjá Minni líðan frábær kostur fyrir þig. Meðferðinni er skipt í 10 tíma sem innihalda fræðslu, verkefni og æfingar. Þú lærir hagnýtar aðferðir hugrænnar atferlismeðferðar og hvernig á að beita þeim í daglegu lífi. Í meðferðinni lærir þú að draga úr neikvæðum hugsunarhætti og auka virkni í daglegu lífi. Þú hefur aðgang að þínum sálfræðingi yfir alla meðferðina.

Markmiðið er að þú náir tökum á eigin líðan!

Meðferðin hjálpar þér að

Þekkja einkenni þunglyndis

Brjóta upp vítahring þunglyndis

Breyta neikvæðum hugsunarhætti

Auka virkni í daglegu lífi

Verð 39.900 kr.

Frír kynningartími Kaupa aðgang

Algengi þunglyndis

Þú ert ekki ein(n) um að þjást af þunglyndi, þunglyndi hefur áhrif á allt að 350 milljónir manna á hverjum degi. Á Íslandi þjást um 12.000—15.000 manns af þunglyndi á hverjum tíma og talið er að um 15—25% fólks upplifi þunglyndi einhvern tímann á ævinni. Það þýðir að þú þekkir líklegast einhvern sem hefur upplifað þunglyndi.

Hverjir upplifa þunglyndi?

Allir geta upplifað þunglyndi. Þunglyndi kemur fram hjá konum og körlum á öllum aldri, í öllum stéttum og öllum kynþáttum. Konur eru líklegri til að upplifa þunglyndi heldur en karlar.

Meðferð við þunglyndi

Mín líðan býður upp á meðferð á netinu við einkennum þunglyndis. Þeir sem upplifa þunglyndi eiga oft erfitt með að leita sér hjálpar vegna vonleysis og erfiðleika með að framkvæma athafnir í daglegu lífi. Meðferð á netinu er þægileg leið til að komast til móts við þá einstaklinga og hjálpar þeim að stíga fyrsta skrefið í átt að betri líðan. 

Nánar um meðferðina